Паддзахадон Думæмæ æвзæрстыты рæстæг сæ цæст дардзысты æхсæнадон штабы уæнгтæ

Паддзахадон Думæмæ æмæ бынæттон хиуынаффæйады оргæнтæм æвзæрстыты рæстæг, сæ цæст дардзысты æхсæнадон штабы уæнгтæ. Ацы бонты специалисттæн уыд фыццаг æмбырд. Æркастысты æмæ снысан кодтой куысты пълан. Афтæмæй, æхсæнадон цæстдарджыты цæттæ кæндзысты къæпхæнгай. Куысты мадзæлтты архайдзысты æхсæнадон организацитæ æмæ политикон партитæ. Республикæйы æхсæнадон палатæйы сæрдар Нина Чиплаковæйы ныхæстæм гæсгæ, ахæм куыст раздæр дæр кодтой. Нæ бæстæйы президенты ӕвзӕрстыты рæстæг æхсæнадон палатæ бацæттæ кодта 900 цæстдарæджы. Конституцимæ ивддзинæдтæ бахæссыны тыххæй хъæлæс кæныны рæстæг та 3 мин цæстдарæгæй фылдæр. Сæйрагдæр дзы уыд æвзарæн процессы закъонхæлдтытæ ма бауадзын æмæ куыст закъонмæ гæсгæ аразын. Æвзæрстыты рæстæг 40 æхсæнадон организацийы ӕрвитдзысты цæстдарджытæй сæ кусджыты. Уымæй уæлдай ма нæ бæстæйы æхсæнадон палатæ æмæ ассоциаци «Независимый общественный мониторинг», зæгъгæ, аразы регионты 'хсæн семинартæ ахуыргæнджытæн. ________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv