Дзуарыхъæу ы бындуронæй сцалцæг кодтой амбулатори
Медицинон æххуыс Цæгат Ирыстоны хъуамæ уа бæрзонд æмвæзадыл. Ахæм хæс йæ размæ æвæры республикæйы разамынд. Иуæй-иу хъæуты амбулаториты уавæр уыд зæрдæхсаинаг. Ныр национ проектты фæрцы аразынц æмæ цалцæг кæнынц районты æмæ дæрддзæф хъæуты фелсырон-акушерон пункттæ. Сног кодтой Дзуарыхъæуы амбулатори дæр. Дзуарыхъæуы амбулаторимæ æрвылбон æрбацæуы 20 адæймагæй фылдæр. Ам æртæ мæйы размæ райдыдтой цалцæггæнæн куыстытæ «Модернизация первичного звена здравоохранения» федералон программæмæ гæсгæ. Ныр хъæуы цæрджытæн йæ дуæрттæ бакодта ноггонд бæстыхай. Ног уавæртыл æрмæст цæрджытæ нæ цин кæнынц. Цопанаты Любовь медицинон хойæ кусы 1972-æм азæй нырмæ. Куыд зæгъы, афтæмæй дохтыртæн дæр сæ куыст бирæ фенцондæр. Медицинон уагдон æппæт хъæугæ кусæнгæрзтæй нæма сифтонг кодтой. Уымæй уæлдай ма йын хъæуы саив кæнын йæ 'ддаг бакаст æмæ алфамбылай. Фæлæ наридæгæн цæрджытæн медицинон æххуыс кæнын йæ бон кæй у, уый дохтыр Хæмæтаты Маратæн æхсызгон у. Амбулаторийæн радтой хæдтулгæ дæр. Ныр дохтыр рынчынтыл йæхæдæг æрзилы. Амбулаторийы цæуы вакцинаци дæр. Цæрджытæн сæ бон у сæхи хъæуы скæнын низы ныхмæ прививкæ. Уый тыххæй сæ цæуын никуыдæм бахъæудзæн. Дзæдзойты Фатимæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv