Дигорайы спортивон скъолайы хъомыл кæнынц фидæны чемпионаты

Ирыстойнаг спортсменкæтæ уæгъдибар хъæбысхæстæй Болæтты Малитæ æмæ Айдарты Оксанæ архайдзысты 18 азы онг чызджыты `хсæн дунеон ерысты. Цæудзысты Бакуыйы 27 июлæй 2-æм августмæ. Ныртæккæ спорсменкæтæ сæхи цæттæ кæнынц Мæскуыйы. Дыууæ чызджы дæр сты Дыгуыр районы Фадзайты Арсены номыл спортивон скъолайы хъомылгæнинæгтæ. Секци дзы кусы скъола йы бындурыл, 2018-æм азы нырмæ. Цæуынц æм сывæллæттæ 6-аздзыдæй, ныртæккæ дзы ис 100 сывæллоны, сæ тренер Дарчиты Георгий.