Льготæтæй чи пайда кæны, уыдон хъуамæ фæнысан кæной, социалон лæггæдтæй цы хуызы пайда кæндзысты

Федералон льготæтæй чи пайда кæны, уыдон хъуамæ 1-æм октябрьмæ фæнысан кæной, социалон лæггæдтæй цы хуызы пайда кæндзысты, уый. Цæгат Ирыстоны ахæм пайдагæнджытæ сты 96 мин адæймаджы. Закъонмæ гæсгæ, гæнæн ис социалон лæггæдты хыгъд æнæхъæнæй, кæнæ хайгай, æхцайæ райсын. Уæрæсейы Пенсион фонды цæгатирыстойнаг хайады куыд хъуысын кæнынц, афтæмæй, кæд адæймаг раздæр курдиат ныффыста, социалон лæггæдты бæсты æхца исыны тыххæй, уæд æй ногæй ахæм курдиат фыссын нал хъæуы. Ацы аз социалон хыгъды аргъ у 1 мин 156 сомы сомы æмæ 6 капеччы. Ивд æрцыд социалон лæггæдтæ райсыны фæрæз дæр. Уый тыххæй паддзахадон лæггæдты порталæй электрон хуызы курдиат бадæттын хъæуы Пенсион Фонды сайтмæ, науæд та Паддзахадон лæггæдты порталмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv