Цæгат Ирыстоны цæрджытæ дарддæр цæуынц вакцинаци коронавирусы ныхмæ

Алагиры цæрджытæ дарддæр цæуынц вакцинаци коронавирусы ныхмæ. Ныридæгæн вакцинæ «Гам-Ковид-Вак»-æй прививкæ скодтой 1 мин 3 сæдæ адæймаджы. Вакцинацийы размæ уал пациенттæ сæ фæндаг ракæнынц терапевтыл, цæмæй сын сæ физикон уавæр сбæрæг кæна. Вакцинæ ма скæныны аххосæгтæ сæм куы нæ разыны, уæд сын скæнынц прививкæйы фыццаг хай. Дыккаг хай, уагæвæрдмæ гæсгæ, скæндзысты 21 боны фæстæ. Уæ зæрдыл уын æрлæууын кæндзыстæм, коронавирусы ныхмæ прививкæ скæнæн ис лæвар. Уыимæ вакцинаци у барвæндон. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv