Æрвылазон æппæтуæрæсеон акци «Кинойы æхсæв» ацы аз арæзт æрцæудзæн 29 августы

Æрвылазон æппæтуæрæсеон акци «Кинойы æхсæв» ацы аз арæзт æрцæудзæн 29 августы. Мадзал аразджытæ - Уæрæсейы Культурæйы министрад æмæ сфæлдыстадон иугонд «Кинойы фонд». Аивадон акцийы архайдзысты нæ бæстæйы æппæт регионтæ дæр. Кинойы равдыстытæ цæудзысты 2 500 кинотеатры. Акцийы архайджытæ суыдзысты цæгатирыстойнаг культурæйы хæдзæрттæ дæр. Се ’хсæн Æрыдон, Елхотт æмæ Алагиры районы культурæйы хæдзары киноæвдисæн залтæ. Акцийы сæйраг нысан - фыдыбæстæйаг кинематографы кад бæрзонддæр кæнын æмæ аивадуарзджыты æргом нырыккон уæрæсейаг киномæ раздахын. Бафтаудзыстæм ма уый, æмæ «Кинойы æхсæв» æххæст кæндзысты Уæрæсейы фæлхасгæнджытæм цæстдарды управленийы домæнтæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv