Æрæфы районы дарддæр цалцæг кæнынц, социалон ахадындзинад кæмæн ис, уыцы объекттæ

Национ проект «Здравоохранение»-йы фæлгæты Æрæфы районы дарддæр аразынц ног фелсырон-акушерон пункттæ. Ныридæгæн районы кусын райдыдтой 7 ног пункты. Медицинон уагдæттæ Быдыры Дæргъæвсы æмæ Махческы дзуапп дæттынц æппæт нырыккон домæнтæн. Бæстыхæйтты ног уавæртæй дохтырты æмæ бынæттон цæрджыты зæрдæтæ райгонд сты. Ног фелсырон-акушерон пункт аразынц Мацутæйы. Арæзтадон куыстытæ куыд цæуынц, уый федта не сфæлдыстадон къорд. Национ проект «Зравоохранение»-йы фæлгæты республикæйы дардæр цалцæггонд æмæ арæзт цæуынц ног амбулаторитæ æмæ фелсырон-акушерон пункттæ. Æрæджы ног фелсырон- акушерон пункт фæзынд Æрæфы районы Быдыры Дæргъæвсы дæр. Амбулаторийы кусæг Фидараты Жаннæ ныридæгæн бæлвырд банкъардта,цас фæрогдæр йæ куыст,уый. Ног уавæртæй йæ зæрдæ райы. Раздæр-иу æй хъуыд пациенттæм хæдзармæ цæуын. Ацы хорз хъуыддаг чысыл бæрæгбон ссис хъæуты цæрджытæн дæр. Сæхæдæг куыд зæгъынц, афтæмæй медицинон лæггæдтæй сын уыдзæн æнцондæр спайда кæнын. Æрæфы районы ма сæрмагонд программæйы фæлгæты сарæзтой медицинон куыстуат Махческы, аразынц фелсырон-акушерон пункт Мацутæйы дæр. Ам арæзтадон куыстуат «Кайзер»-ы специалисттæ бæстонæй сæ куыстытæ æххæст кæнынц. Тагъд ма ног амбулатори фæзындзæн Мацутæйы дæр. Ныридæгæн уал ног бæстыхайæн йæ къултæ цæттæ сты. Уæдæ Цыколайы поликлиникæйы дæр цалцæггæнæн куыстытæ сæ тæмæнгы бацыдысты. Ам та куыстытæ æххæст кæны «Рус», зæгъгæ, организаци. Ныридæгæн ивынц бæстыхайы сæр, райдыдтой мидæггаг куыстытæ дæр. Радих сын кодтой 17 милуан сомы. Дарддæр дæр куыст цæудзæн. Фæнысан кæнын ма хъæуы уый æмæ районы цыбыр рæстæгмæ сцалцæг кодтой æмæ сарæзтой социалон нысаниуæг кæмæн ис, ахæм 7 объектты. Медицинон кусытуæттæ ифтонггонд сты хъæугæ кусæнгæрзтæй дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv