«Осторожно, мошенники!!!», зæгъгæ, профилактикон акци дарддæр æххæст кæнынц Цæгат Ирыстоны мидхъуыдд

«Осторожно, мошенники!!!», зæгъгæ, профилактикон акци дарддæр æххæст кæнынц Цæгат Ирыстоны мидхъуыддæгты министрады кусджытæ. Йæ сæйраг нысан- цæрджыты бахъахъхъæнын цæстфæлдахджыты гæды митæй. Паддзахадон автоинспекцийы кусджытæ цæрджытæн радзырдтой, цæстфæлдахджытæ цавæр сайæн мадзæлттæ æрхъуыды кæнынц, уый тыххæй. Арæх закъонхалджытæ спайда кæнынц мобилон бастдзинад æмæ интернетæй. Мадзалы архайджыты ма базонгæ кодтой цæстфæлдахджыты куыд сбæрæг кæнæн ис, уыимæ. Байуæрстой сын профилактикон сыфтæ. Уыдоныл сæрмагондæй бакуыстой Дзæуджыхъæуы пъæлицæйы хайады кусджытæ. Барадхъахъхъæнджытæ цæрджытæм сидынц, цæмæй уой къæрцхъус æмæ цæстфæлдахджыты гæды митæй сæхи хъахъхъæной. Хи тыххæй информаци æнæзонгæ адæмæн ма хъусын кæной. Банчы æбæрæг картæтæ æмæ хыгъдмæ сæ æхцайы фæрæзтæ ма æрвитой. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv