РЦИ Аланийы сæргълæууæг Битарты Вячеслав фембæлд уф йы Юстицийы Министрады Цæгат Ирыстоны разамынды

Тæрхондоны иртæстыты лабороторийы рацарæзтæн баххæуыс кæндзæн Цæгат Ирыстоны хицауад. Куыд кусдзæн æмæ фыццаджыдæр цæуыл бацархайын хъæуы, уый тыххæй республикæйы сæргълæууæг Битарты Вячеслав ныхас кодта Уæрæсейы Юстицийы министрады разамынды хицау Быгъуылты Владимиримæ. Уыди сын сæрмагонд кусæг фембæлд. Быгъуылты Владимир куыд фæнысан кодта, афтæмæй Цæгат Ирыстоны ис тæрхондоны 2 эксперты. Уæлдай фылдæр куыст кæй кæнынц, уый тыххæй æххуысагур фæцæуынц сыхаг регионтæм - Махачкала æмæ Стъараполы краймæ. Тæрхондоны иртæстыты лаборотори нæ республикæйы куы фæзына, уæд уый хорзы рдæм фæбæрæг уыдзæн сæ куыстыл, фæнысан кодта Битарты Вячеслав. Уæ зæрдыл уын æрлæууын кæндзыстæм, Цæгат Ирыстон бабæрæг кодта Уæрæсейы Юстицийы министры хæдивæг Алу Алханой. Йæ ныхæстæм гæсгæ, ахæм лаборотори кæй нæй, уый ахсджиаг фарста у. Куы фæзына, уæд тæрхондоны иртæстытæн хатдзæгтæ кæндзысты бирæ рæвдздæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv