Цæгат Ирыстоны дарддæр цæуы коронавирусы ныхмæ вакцинаци

Цæгат Ирыстоны дарддæр цæуы вакцинаци. Ныридæгæн нæ республикæйы 35 мин 700 цæрæджы Covid-19-ы ныхмæ прививкæ скодтой. Уыдонæй хосы дыккаг хай райстой 25 мин 400 адæймаджы. Вакцинаци цæуы Кировы районы дæр. Афæдзы райдианæй дзы райстой «ГамКовидВак»-ы 1 мин 450 дозæйы. Вакцинæ районы цæрджытæй скодтой 800 адæймагæй фылдæр. Уæ зæрдыл уын æрлæууын кæндзыстæм, прививкæ скæныны бон у, 18 азæй фылдæр кæуыл цæуы, уыдонæн. Зæгъын хъæуы уый, æмæ уæлдай ӕргом здахынц хистæр кары адæммæ – 60 азæй фылдæр кæуыл цæуы, уыдонмæ, уымæн æмæ ацы кары адæмыл низ уæззаудæрæй ӕрӕнцайы. Вакцинацийы ‘руаджы цæрджытæм фӕзындзӕн коллективон иммунитет. Уый та ууыл дзурæг у, æмæ нæ абоны цард раздæры фæткмæ кæй раздӕхдзӕн. У барвæндон хъуыддаг. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv