«Ақтөбе» хоккей клубын жарыстарға "Көл-Авто-Ақтөбе" ЖШС-гі дайындайды

«Ақтөбе» хоккей клубы жекенің меншігіне өтті. Клубты алдағы жасөспірімдер мен ересектер арасындағы республикалық және халықаралық жарыстарға дайындау үшін жарияланған мемлекеттік байқауды жергілікті "Көл-Авто-Ақтөбе" ЖШС-гі жеңіп алып отыр. Облыстық дене шынықтыру және спорт басқармасы жариялаған мемлекеттік байқау 23-30-ші сәуір аралығында өтуі тиіс болған. Жеңімпаз анықталған соң байқау мерзімінен бұрын аяқталды. Ақпаратты ірі серіктестік өз сайтында жариялады.Мемлекеттік тапсырыс ретінде өткен байқауда ірі көлік сататын серіктестік өкілдігі клубты ең жоғары бағада сатып алуға ұсыныс білдірген. Компанияның биылғы маусымға клубтың барлық шығындары үшін бөліп отырған қаржысы қомақты- 491 млн теңгеден асады. Жаттығу жиындары, жарыстарға қатысу, дайындық жұмыстары шарттары жасалған. Айта кетелік, клубқа иелік ететін серіктестік бірнеше жыл бойы Ақтөбе хоккей клубына тұрақты түрде демеушілік жасап келген. Биыл шайбалы хоккейден республикалық турнирлік маусым тамыз айынан басталады. Сайт телеканала http://www.rikatv.kz/ Twitter https://twitter.com/rika_kz Вконтакте https://vk.com/rikatv