Æрыдоны аграрон-технологон колледж 2020-æм азы рауагъта 18 специалисты

Æрыдоны Цæгат-Кавказы аграрон-технологон колледжы электриктæ ацы бонты раттой демонстрацион фæлварæн. Рауагъдонтæ 4 модульмæ гæсгæ фæлварæны сæрты ахызтысты. Цавæр хæслæвæрдтæ сæм æнхъæлмæ каст æмæ рауагъдонтæ дарддæр кæдæм фæнд кæнынц ахуыр кæнынмæ бацæуын, уый тыххæй нæ дарддæры æрмæджы. 4 модульмæ гæсгæ фæлварæны сæрты ахизын. Уымæн рæстæг ис 4 сахаты æмæ `рдæг. Ацы студенттæ сæ дæсныйадыл сты æнувыд. Фæлварæн ацыд демонстрацион хуызы. Уымæ гæсгæ сæ дипломон куыст фыссын нæ хъæуы. Сæ зонындзинæдтæ равдисынц практикæйы. Уыимæ ма райсынц 2 дæсныйады. Икъаты Татьяна: «Уыцы иу рæстæг райсынц 2 квалификацийы. Ома, цæрæнуæтты-комуналон хæдзарады инженерон хæтæлты мастер æмæ электрик. Ахуыр кæнынц иу афæдз. Кæронбæттæн бæрæггæнæн та райсынц демонстрацион фæлварæны хатдзæгтæм гæсгæ». Æрыдоны аграрон-технологон колледж ацы аз рауагъта 18 электромонтажникы. Фæсивæд кæд колледж каст ныр фесты, уæддæр дæсныйады сусæгдзинæдтæ раджы базыдтой. Ацы дæсныйады кæд сæхи бирæтæ нæ æвзарынц, уæддæр у хъæугæ æмæ ахсджиаг. Демонстрацион фæлварæнтæ ацыдысты нæ республикæйы фæлхасгæнджытæм цæстдарды управленийы домæнтæм гæсгæ. Рауагъдонтыл маскæтæ, уæдæ социалон дистанци дæр æххæст кодтой. Бæстыхай дезинфекцигонд æрцыд. Нæ республикæйы ахуырад æмæ наукæйы министрады специалистты ныхæстæм гæсгæ, ахæм хуызы фæлварæн раттын хорз хъуыддаг у. Статистикæмæ гæсгæ рауагъдонты 40 проценты сæ дæсныйады уайтагъд ссарынц куысты бынæттæ. Фæлварæнтæ раттын æмæ диплом райсынæй уæлдай ма колледжы рауагъдонты ныфс ис, куысты бынæттæ кæй сардзысты, уымæй. Пелиты Сабинæ