Цæгат Ирыстоны фæлхасгæнджытæм цæстдарды управленийы æвæстиатон бастдзинады номыр

Цæгат Ирыстоны амард фыццаг рынчын коронавирусæй. Уый рагагъоммæ бæрæггæнæнтæм гæсгæ. Хатдзæгтæ сбæлвырд кæндзысты Мæскуыйы лабораторийы. 83 аздзыд нæлгоймаджы уавæрыл æвзæрырдæм фæзындысты æдзух дзæбæхгæнинаг низтæ. Дæргъвæтин рæстæджы рынты аххосæй нæлгоймаг рæуджыты низæй амард. Ахæм хатдзæгмæ æрцыдысты республикæйы эпидемиологон центры специалисттæ. Хæцгæ низæй нæлгоймаг фæрынчын йæ хæстæгæй. Уый æрæджы сыздæхт эпидемиологон уавæр тæссаг кæм у, ахæм бæстæйæ.  Ацы сахатмæ Цæгат Ирыстоны коронавирусæй фæрынчын 9 адæймаджы. Иууылдæр исынц æмбæлгæ медицинон æххуыс, дохтыртæй сæм лæмбынæг каст цæуы. Фæсарæнтæй чи сыздæхт æмæ медицинон æркаст кæмæ цæуы, уыдоны нымæц - 683 адæймаджы. Карантинæй хыгъдæй ист адæмы нымæц та 852 адæймаджы. Дзæуджыхъæуы тагъд æххуысы клиникон рычындоны ныртæккæ ис 61 пациенты. Уый тыххæй фехъусын кодта Æнæниздзинад хъахъхъæныны министр Годжыцаты Тамерлан. Йæ ныхæстæм гæсгæ сæйраг корпусы реанимацийы хуыссы 6 рынчыны. Улæфæн аппараттæй пайда кæнынц æртæйæ. Уыцы æртæ адæймагæй, лабораторийы иртæстытæм гæсгæ, дыууæйæ сты коронавирусæй рынчынтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv