გური ოტობაია - ბაღანობა გიმაშინე ჩქინი

ბაღანობა გიმაშინე ჩქინი ჩქიმი ელხე, ჩქიმ გურიში ჭუა, სოვრე იბდა, სოვრეშე იმნჭუა, ქიფრჩინუქ დო იშენ ვორექ ჩქიჩქი, გურს ბონდღუნსუ სქან თოლეფიშ ჩხვიჩხვი. ბაღანობა გიმაშინე ჩქინი, მუსხი სერ დო ჭუას გივორჯგინი?! ჩქიმ შარა რე ჩეშმანი დო თინუ, სქან თოლეფშა დღასუ ვამანტინუ, მუ დაჩხირ რდუ დორზაფილ თე გურსუ?! ოხოხოი, მუსხი მუთუნს გურზუ, ბაღანობა გიმაშინე ჩქინი, მუსხი სერ დო ჭუას გივორჯგინი?! მირაგადნა: გილურცია ხვალე, მის დართინე ბორჯი უკახალე?! ჯიჭონეფცუ გოჸუნცია ირო, დოჸუნცია ჰავას, გოლვაფირო, ბაღანობა გიმაშინე ჩქინი, მუსხი სერ დო ჭუას გივორჯგინი?! ჸურენცია ლალა ქომონჯისუ, ნორჩალიშო ჸუმენცია ისუ, სი ჩქიმ სერეფს ოთანუანქ ძღაბი, ტყურათ რენო შური დომიჟვაბი?! ბაღანობა გიმაშინე ჩქინი, მუსხი სერ დო ჭუას გივორჯგინი?! მორთი, ელხე, ქომიძირე აკა, ქოძირ თე გურს მუჭო გილაკვაკვა, ქოძირ თე გურს მუშ მასქვამა რექუ, ქოძირ, ქოძირ, მუჭო გიმოჭვენქუ, ბაღანობა გიმაშინე ჩქინი, მუსხი სერ დო ჭუას გივორჯგინი?! გური ოტობაია (გულადი ფეტელავა) Music: Galur Margal https://youtu.be/Ymgj9qA5eZs