«Мир без границ», зæгъгæ, сфæлдыстадон фестиваль ацыд Беслæны

«Мир без границ», зæгъгæ, сфæлдыстадон фестиваль ацыд Беслæны. Архайдта дзы, йе ’нæниздзинад хъыгдæр кæмæн у, уыцы фæсивæд. Мадзал аразæг «Инвалидты æппæтуæрæсеон æхсæнад»-ы регионалон хайад. Концертон программæ схъæздыг алыхуызон аив номыртæй æмæ кæфтытæй. Æдæппæтæй - 20 номырæй фылдæр. Фестивалы сæйраг нысан - йе ’нæниздзинад кæмæн фæцудыдта, ахæм сабиты сфæлдыстады фæндагыл цæуыныл сразæнгард кæнын. Ахсджиаг уый у, æмæ ахæм мадзæлтты хæларæй архайынц куыд æнæниз адæм, афтæ йе ’нæниздзинад кæмæн фæцудыдта, уыдонæн дæр. Бетрозты Ритæ - РЦИ-Аланийы инвалидты организацийы сæрдар «Ацы фестивалы мах сбæрæг кæнæм курдиатджын адæмы. Дарддæр уыдон архайынц алыхуызон æркастыты. Суанг ма æппæтуæрæсеон конкурсты дæр. Мах сын æххуыс кæнæм. Сæйрагдæр у, цæмæй æхсæнады мидæг архайой æмæ адæмимæ ныхас кæной». _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv