Вице-премьер Азымты Иринæ разамынд лæвæрдта координацион комитеты æмбырдæн

Цæгат Ирыстоны æгуыст адæмы бæрц къаддæр кæны. Уый тыххæй фехъусын кодтой республикæйы цæрджытæн куыстдæттыны координацион Комитеты æмбырды. Разамынд йын лæвæрдта вице-премьер Азымты Иринæ. Уавæр фæхуыздæр, коронавирус парахат кӕныны ныхмӕ ӕрвыст финансон æххуысы руаджы. Фæдзæхстадон фиддонты бæрц фæкъаддæр, кредиттæ райсæн уыди льготæтимæ. Хъыгдæрд цы къабæзтæ баййæфтой, уыдоны рæстæгмæ суæгъд кодтой хъалонтæй. Ацы аз бантыст 465 адæймагæн куыст ссарын. Профилон комитеты сæйраг хæс у 2021 азы кæронмæ пандемиæйы размæ цы бæрæггæнæнтæ уыд, уыдон ногæй раздахын. Уый тыххӕй та бахъæудзæн æппынкъаддæр 21 мин адæймагæн ссарын куысты бынæттæ. Комитет æмæ йæ хайæдтæ архайынц программæ «Поиск-работа»-йы. Йæ нысан у æххуысцух адæмæн уавæртæ саразын, цæмæй социалон адаптаци æнцонтæй ацæуой. 194 адæймаджы ныридæгæн бафыстой социалон бадзырдтæ. Сæ фылдæр райдыдтой кусын республикæйы куыстуæтты. Вице-премьер фæнысан кодта ваканситы армукъаты куыст фæфидардæр кæнын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv