Цæгат Ирыстоны тагъд медицинон æххуысы службæйæн радтой 11 ног къареты

Тагъд медицинон æххуысы транспорты нымæц фæфылдæр. Республикæйы цæрджытæн лæггад кæндзысты ноджы 11 ног хæдтулгæйы. Радих сæ кодтой Уæрæсейы транспорты министрады программæмæ гæсгæ. Ныридæгæн республикæ райста транспорты 8 иуæджы, æнхъæлмæ ма кæсынц 3-мæ. Алы хæдтулгæ дæр ифтонггонд у æппæт хъæугæ медицинон кусæнгæрзтæй фыццаг æххуыс бакæнынæн. Тагъд рацæудзысты линимæ. Сæ иу хай лæггад кæндзæн Дзæуджыхъæуы цæрджытæн, иннæтæ та арвитдзысты районтæм. Ныртæккæ куыстуаты автопарк у ноггонд æмæ кæронмæ æххæстгонд. Уымæй уæлдай ма республикæйы сæргълæууæджы амынддзинадмæ гæсгæ шофыртæн æмæ медицинон кусджытæн бахуыдтой сæрмагонд уæлæдарæс. Формæ районтæм арвыстой. Горæтаг дохтыртæ та йæ райсдзысты ног къуыри.