Ахуырады Центры "Эрудит" уыд ӕрвылазон республикон конкурс "Ирон аив дзырды дӕсны"

Мадӕлон ӕвзагмӕ уарзондзинад бахъахъхъӕнын ӕмӕ ног курдиӕттӕ раргом кӕнын: ахуырады Центры "Эрудит" уыд ӕрвылазон республикон конкурс "Ирон аив дзырды дӕсны". Финалмæ рахызтысты 40 скъоладзауы — районы къӕпхӕнты уӕлахиздзаутӕ. Уыдон сты 8-11 кълӕсты ахуыргæнинæгтæ æппӕт Цӕгат Ирыстонӕй. Мадзал арæзт у ирон литературӕйы бындурӕвӕрӕг Хетӕгкаты Къостайы райгуырӕн боны кадæн. Хистӕркъласонтӕ ерыс кодтой дыууӕ номинацийы: кастысты поэты ӕмдзӕвгӕтӕ ӕмӕ сæхи фыст уацмыстæ дæр. Жюрийы — Ирон театры актертӕ ӕмӕ мадæлон ӕвзаджы ахуыргӕнджытӕ. Конкурс, республикæйы ахуырад æмæ наукæйы министрады хъæппæрисæй, национ культурӕ рӕзын кӕны ныр 15 азӕй фылдӕр.