Президенты гранттæ рамбулыны фонды сæрмагонд конкурсы уæлахиздзау проект "Æхсаргард"-ы фæдыл кæронбæттæн конференци уыд Дзæуджыхъæуы. Ныхас цыд бæрæггæнæнтыл æмæ хатдзæгтыл. Проекты фæлгæты республикæйы байгом хъаматимæ тохы нырыккон секци "Сабля и щит"здæхтмæ гæсгæ. Уымæй уæлдай фæфылдæр турниртæ æмæ дзыллон мадзæлтты арæзтад. "Сабля и щит" здæхт æнтыстджынæй рæзы клуб «Аскалон»-ы, куыд алайнаг æхсаргард, афтæ. Гранты фæрæзтæй самал кодтой хъахъхъæнæн фæрæзты комплекттæ, æхсаргардтæ æмæ уартытæ, уыимæ расидтысты сæрмагонд семинартæ, кæцыты инструкторты базонгæ кодтой куысты сусæгдзинæдтимæ æмæ тренировкæтæ кæныны æууæлтимæ. Проекты хатдзæгтæм гæсгæ, уæлахиздзаутæ райстой уæлæдарæсы уæлæмхасæн комплекттæ, фæуæрæх кодтой сæ клубты гæнæнтæ, инструктортæн радтой сертификаттæ.