Уæрæсейы Гвардийы æфсæддонтæ бабæрæг кодтой сывæллæтты реабилитацион центр «Тæмискъ»

Уæрæсейы Гвардийы территориалон управленийы уæнгтæ бабæрæг кодтой сывæллæтты лагерь «Тæмискъ». Акци «Каникулы с Росгвардией»-ы фæлгæты афицертæ фæсивæдимæ бацархайдтой физкультурæйы урокы. Радзырдтой сын, æнæниз царды уагы ахадындзинады тыххæй. Сæ арæхтдзинад сын равдыстой хъæбысхæцты. Уыимæ ма сын бацамыдтой фыдгæнæджы куыд æрцахсæн ис, уый дæр. Уымæй уæлдай ма, акцийы фæлгæты сывæллæттæн бакастысты лекци фыццаг медицинон æххуыс бакæныны тыххæй. Куыд аиуварс кæнын хъæуы хурдзæфы фæстиуджытæ. Амыдтой ма сын, адæймагыл калм, кæнæ джыбы куы фæхæца, уæд ын фыццаг æххуыс бакæнын куыд хъæуы. Фембæлды кæронбæттæны ма фæсивæд архайдтой Фыдыбæстæйы Стыр хæсты историимæ баст викторинæйы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv