Республикæйы цæуы уæлæмхасæн ахуырады кусджыты республикон æркаст «Сердце отдаю детям», зæгъгæ

Нæ республикæйы ахуырад æмæ наукæйы министрады æххуысæй 14 æмæ 15 апрелы цæуы уæлæмхасæн ахуырады кусджыты республикон æркаст «Сердце отдаю детям», зæгъгæ. Йæ сæйраг нысан - курдиатджын ахуыргæнджыты раиртасын æмæ сын баххуыс кæнын. Афтæ ма педагогон хъæппæристæ раиртасын дæр. 25 ахуыргæнæджы 15 ахуыргæнæндонæй хъуамæ ахизой æркасты 4 къæпхæны сæрты. Уый тыххæй сæ хъæуы хи тыххæй нывæцæн æмæ презентаци саразын, бахъахъхъæнын уæлæмхасæн ахуырадон программæ. Уæлахиздзаутæ дарддæр сæ дæсныдзинад равдисдзысты æппæтуæрæсеон конкурсы. Хайманты Барис, РЦИ-Аланийы ахуырад æмæ наукæйы министрады сæйраг специалист: «Фылдæр архайджытæ уыдысты Дзæуджыхъæуæй, Алагиры районы сывæллæтты сфæлдыстады центрæй æмæ æндæртæ. Ацы аз ахуырад æмæ наукæйы министрад фыццаг хатт лæвæртты хуызы снысан кодта æхцайы премитæ. Чи фæуæлахиз уа, уый райсдзæн 30 мин сомы, призертæ та 15 æмæ 10-гай мин сомтæ». _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv