Цæгат Ирыстоны цæттæ кæнынц хъæлæс кæныны иумæйаг бонмæ

Паддзахадон Думæмæ æвзæрстытæм баззад иу мæйæ къаддæр. Цæгат Ирыстоны ацы хъуыддагмæ стыр 'ргом здахынц. Республикæйы центрон æвзарæн къамисы уæнгтæ архайынц, цæмæй æвзæрстытæ ацæуой закъоны бындурыл, æнæ фæткæлдтытæй. Ныртæккæ республикæйы кусæг балцы ис Хæдбар æвзæрстыты уæрæсейаг фонды æххæстгæнæн директор Максим Лесков. Республикæйы æвзарæн къамисы уæнгтимæ йын уыд фембæлд. Тифломаркермæ бандзæвгæйæ фехъусæн ис кандидаты тыххæй æппæт хъæугæ информаци. Комплекс «Доступные выборы» æххуыс кæны, чи нæ уыны, уыцы адæмæн. Брайлы системæмӕ гæсгæ кæсын чи нæ зоны, уыдонæн ацы кусæнгарз уыдзӕн пайда. Йæ фæрцы æнæ искæйы æххуысæй сæ бон уыдзæн схъæлæс кæнын. Æвзарæн къамистæ ма ифтонггод сты лупæтæй, уæлæмхасæн рухсгæнæнтæ æмæ шрифты трафареттæй. Æвзарæн хайӕдты сæ фылдæры ис пандустæ. Коляскæйыл чи цæуы, уыцы инвалидтæн балхæдтой сæрмагонд кабинæтæ. Семæ уыдзысты, ахуыртæ чи ацыд, ахæм бархионтæ. Дзæуджыхъæуы Галиуфарсы территориалон æвзарæн къамисы бындурыл ахуырадон центр кусы 4 азы дæргъы. Æвзæрстыты архайдзæн 404 бархионы. Фæсивæды хъуыдытæ æмæ фæндтæ фехъусынмæ Цæгат Ирыстонмæ ссыд уæгъд æвзæрстыты Уæрæсеаг Фонды дзуапдæттæг директор Максим Лесков. Тымбыл стъолы уæлхъус дзырдтой æвзæрстытæм чи кæсдзæн уыцы цæстдарæн Центрты куыстыл. Æххæст кæндзысты коронавирусы ныхмæ æдасдзинады мадзæлттæ. Закъонмæ гæсгæ цæуы кампани æви нæ, фенæн уыдзæн видеоцæстдарæн системæйы руаджы. Сæдæгай камерæты куысты комкоммæ эфиры бакæсæн уыдзæн интернеты. Паддзахадон Думæйы æвзæрстытæм баззад иу мæйæ къаддæр. Хъæлæс кæныны бонтæ уыдзысты 17-æй 19 сентябры. Республикæйы сæм цæттæ кæнынц бæстонæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv