Организаци «Наша история»-йы минæвæрттæ фæсидтысты проект «Забытая война, забытая война»-йы

Историон-культурон æхсæнадон организаци «Наша история»-йы минæвæрттæ фæсидтысты республикæйы цæрджытæм проект «Забытая война, забытая Победа»-йы бацархайынмæ. Уый тыххæй фехъусын кодта нæ республикæйы архивон службæйы разамонæджы хæдивæг Батырты Аслан. Проекты сæйраг нысан у, ирон адæм Советон-Япойнаг хæсты 1945 азы куыд хъазуатонæй хæцыдысты æмæ уæлахизмæ цы егъау æвæрæн бахастой, уый тыххæй радзурын. Уый ахъаз у нæ истори хъахъхъæнынæн, цæмæй йæ мачи зыгъуыммæ кæна. Æппæт уыцы хъуыддæгтæ хынгæйæ, фæзынд ацы проект дæр. 1945 азы 2 сентябры Дард Хурыскæсæны фæцис Японимæ хæст. Советон Цæдис фæуæлахиз. Ахæм уыдис Дыккаг Дунеон хæсты кæрон. Проект æххæстгæнгæйæ, йæ саразджытæ æмбырд кæндзысты, Цæгат Ирыстонæй ацы хæсты чи бацархайдта, уыдоны тыххæй алыхуызон æрмæджытæ. Адæмæй æнхъæлмæ кæсынц къамтæм, сæ хæстæджыты царды хабæрттæм, сæ хæрзиуджытæ æмæ æвдисæндартæм. Цы бафта сæ къухы, уыдон фæстæдæр бахæсдзысты сæрмагонд интернет-порталмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv