Сергей Меняйло фембæлд Цæгат Ирыстоны фæндæгты хæдзарады комитеты сæрдар Солиты Тариэлимæ

Республикæйы сæргълæууæджы хæстæ рæстæгмæ æххæстгæнæг Сергей Меняйло фембæлд Цæгат Ирыстоны фæндæгты хæдзарады комитеты сæрдар Солиты Тариэлимæ. Уый радзырдта 2020 азы фæндаггон къабазы райрæзты хатдзæгты тыххӕй. Йæ ныхæстæм гæсгæ, размæвӕрд хæстæ иууылдæр æххæстгонд æрцыдысты. Солиты Тариэл радзырдта, цалцæггæнæн куыстыты фæстæ автомобилон фæндаг «Кавказ» -Хурыхъæу –Малгобек кусын кӕй райдыдта. Йæ дæргъ 60 километры. Национ проект «Æдас æмæ хæрзхъæд автомобилон фæндæгтӕ»-йы фæлгæты сцалцæг кодтой, регионалон æмæ бынæттон нысаниуæг кæмæн ис, ахæм трассæты 90 километры. Уый Дзæуджыхъæуы уынгтæ нымайгæйæ дæр. Сцалцæг ма кодтой хиды сæрты 3 ахизæны. Се 'хсæн Дигорайы иувæрстыдзӕугӕ фæндаг дæр. Уый радта фадат районы центры фæндаджы уæргъ фæкъаддæр кæнын. Сергей Меняйло ма йе 'ргом аздæхта, нæ бæстæйы хицауады сæрдары хæдивæг Марат Хуснуллин республикæйы размæ цы хæслæвæрдтæ сæвæрдта, уыдонмӕ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv