Радон рейды рацыдысты Уæрæсейы фæлхасгæнджытæм цæстдарды Управленийы кусджытæ

Уæрæсейы фæлхасгæнджытæм цæстдарды управленийы кусджытæ, паддзахадон автоинспекцийы минæвæрттæ, Уæрæсейы транспортмæ цæстдарды æмæ профилон министрады специалисттæ дарддæр аразынц рейдтæ. Бæрæг кæнынц, æхсæнадон транспорты санитарон домæнтæ куыд æххæст кæнынц, уый. Домæнтæм гæсгæ, хъуамæ шофырмæ уа маскæтæ æмæ антисептиктæ. Бæлцæттæ салоны хъуамæ уой хи хъахъхъæнæн фæрæзты. Домæнтæ чи не`ххæст кæны, уыдоны æфхæрынц административон æгъдауæй. Бæлвырддæр дарддæры æрмæджы. Сæйрагдæр - æнæниздзинад. Дзæуджыхъæуы дарддæр цæуынц рейдтæ. Дзуапдæттæг ведомствæты кусджытæ бæрæг кæнынц, æхсæнадон транспорты санитарон домæнтæ куыд æххæст кæнынц, уый. Уымæй уæлдай кæсынц, шофыртæм хъæугæ гæххæттытæ æмæ бæлццæттæ ласыны бартæ ис, æви нæ. Абон Уæрæсейы фæлхасгæнджытæм цæстдарды управлени, транспортмæ цæстдарды службæ, Паддзахадон автоинспекци æмæ республикæйы транспорты министрады минæвæрттæ сбæрæг кодтой, Рахизфарсы районы æдасдзинады домæнтæ куыд æххæст кæнынц, уый. Рабæрæг дзы фæткхæлдтытæ. Ахæм рейдтæ арæзт цæуынц æппынæдзух. Специалисттæ та радон хатт зæрдыл лæууын кæнынц, маскæ дарын æмæ социалон дистанци æххæст кæнын зын кæй нæу. Афтæмæй та цард бахъахъхъæныны хъуыддаджы ацы мадзæлттæ сты ахадгæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv