«Цæгат Ирыстоны хуыздæр дохтыр»-ы конкурсы уæлахиздзау сси Хуыгаты Мæдинæ

Мингай æнæниз пациенты, арфæйы ныхæстæ та уымæй фылдæр. Республикæйы хатдзæгтæ скодтой конкурс «Цæгат Ирыстоны хуыздæр дохтырæн». Номинаци «Хуыздæр дохтыр-педиатр»-ы уæлахиздзау сси Хуыгаты Мæдинæ. Дыууын азæй фылдæр кусы Дзæуджыхъæуы сывæллæтты дыккæгæм поликлиникæйы. Ныййарджытæ специалистæн кæнынц стыр аргъ. Цы хостæ рафыссы, уыдон сабитæн свæййынц æвдадзы хос. Йе 'мкусджытæ йæ хонынц зæрдæхæлар æмæ фæлтæрдджын. Мæдинæ йæхæдæг куыд зæгъы, афтæмæй конкурсы архайджытимæ у зонгæ. Алчидæр сæ у кады аккаг. Битарты Вячеславы къухæй Хуыгаты Мæдинæ райста 1-аг къæпхæны диплом æмæ фатеры дæгъæлтæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv