Кæрдзыны тагъд рæстæг йæ дуæрттæ байгом кæндзæн ног амбулатори

Ног амбулаторийы арæзтад Кæрдзыны хъæуы кæронмæ фæхæццæ кæны. Сæрмагонд проектмæ гæсгæ арæзтадон организаци куыстытæ райдыдта фæззæджы. Ног медицинон объект аразынц. Архайынц мидæггаг куыстытыл. Зæронд амбулатори куыд кусы æмæ ног уагдоны цавæр гæнæнтæ уыдзæн? Не сфæлдыстадон къорд бæлвырддæр радзурдзæн. Кæрдзыны хъæуы амбулатори домæнтæн дзуапп рагæй нал дæтты. Кæд дохтыртæ нырыккон кусæнгæрзтæй ифтонггонд не сты, уæддæр цæрджытæн лæггад кæнынц. Ардæм æрвылбон медицинон æххуысмæ æрбацæуынц 15 адæймагæй фылдæр. Кæрдзыны цæры 2 мин адæймагæй фылдæр. Хъæуы ис куыд амбулатори, афтæ фелсырон-акушерон пункт дæр. Дзæбæхгæнæндæтты уавæр сæ хæрзтæй нæу. Ныр национ проекты фæрцы тагъд рæстæг цæрджытæн йæ дуæрттæ байгом кæндзæн ног амбулатори. Арæзтадон куыстытæ æххæст кæнын райдыдтой фæззæджы. Ног медицинон уагдоны уыдзæн æппæт фадæттæ дæр цæрджытæн æмбæлгæ æмвæзадыл медицинон æххуыс исынæн. Бæстыхайы алфамблай рæсугъд кæнынц. Мидæггаг куыстытæ та сæ тæмæны сты. Объекттæ апарахат сты 200 квадратон метрыл. Уыдзæн дзы 14 ног агъуысты. Аразджыты ныхæстæм гæсгæ, объект хъуамæ срæвдз кæной афойнадыл. Ацы азы кæронмæ йæ фæнд кæнынц байгом кæнын. Национ проекты фæлгæты медицинон лæггæдты æмвæзад та хъæуы фæхуыздæр уыдзæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv