Астæуккаг ахуыргæнæндæтты райдыдта абитуриентты курдиæттæ исыны кампани ног ахуыры азмæ

Цæгат Ирыстоны астæуккаг ахуыргæнæндæтты райдыдта абитуриентты курдиæттæ исыны кампани ног ахуыры азмæ. Ацы аз, нæ республикæйы ахуырад æмæ наукæйы министрады бæрны цы техникумтæ æмæ колледжтæ ис, уыдонæн рахай кодтой 2375 бюджетон бынаты. Уыдонæй 1290 – кусгæ дæсныйæдтæ. Рауагъдонтæн сæ бон у сæ курдиæттæ дистанцион хуызы бадæттын. Абитуриентты курдиæттæ исыны кампани фæуыдзæн 25 августы. Ахуырад æмæ наукæйы министрады куыд фæнысан кодтой, афтæмæй рауагъдонты исдзысты атестатты рæстæмбис бæрæггæнæнтæм гæсгæ. Ацы аз ма Елхотты бирæпрофилон æмæ Мæздæджы аграрон-промышленнон колледжты фæзындзæн 2 ног дæсныйады: ихтиологи æмæ кæсагдарыны дæсны. 2019 азы Цæгат Ирыстоны астæуккаг ахуыргæнæндæттæ рауагътой 3339 специалисты. Уыдонæй 1439 адæймаджы ссардтой куысты бынæттæ. 1082-сæ дæсынйадмæ гæсгæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv