Дзæуджыхъæуы ацыд ирон аив дзырды дæсныты республикон æркаст. Æппæт районтæй æрыгон курдиæттæ кастысты Хетæгкаты Къостайы æмдзæвгæтæ. Сæхи цæттæ кодтой бæстонæй. Сæ арæхстдзинад канд кæстæртæ нæ æвдыстой, фæлæ хистæр кары цæрджытæ дæр. Къамисы уæнгтæ — фæлтæрдджын специалисттæ æмæ фысджыты цæдисы уæнгтæ. Аргъ кодтой аив дзырд, артистизм æмæ æрмæджы мидисæн. Мадзал снысан кодтой ирон æвзаг æмæ литературæйы бонмæ, уыимæ Хетæгкаты Къостайы райгуырды 165 азмæ.