Педагогон институты студенттæ хистæр кълæсты ахуырдзаутæн сарæзтой дæсныйад æвдисæг ахуыртæ

Цæгат Ирыстоны педагогон институт сси ахуырады системæйæн кусджытæ цæттæ кæныны проекты архайæг. Сæрмагонд программæты фæрцы ахуырады кусджытæ 2024 азмæ зынгæ фæфылдæр уыдзысты. Ныр уал педагогон институты студенттæ хистæр кълæсты ахуырдзаутæн бацæттæ кодтой дæсныйад æвдисæг ахуыртæ. Сæ фæрцы ног зонындзинæдтæ уыцы-иу рæстæг райстой 24 скъолайæ 300 ахуыргæнинагæй фылдæр. Райстой практикон амынддзинæдтæ, сæрмагондæй алы кары сывæллæттимæ куыд кусын хъæуы, уый тыххӕй. Уыимæ ма дзырдтой коллективон-сфæлдыстадон куыстыл. Ахуырады системæйæн специалисттæ бацæттæ кæныны программæ нæ республикæйы æххæст кæнынц 3-æм аз. Сарæзтой йæ Цæгат Ирыстоны педагогон институты нæ республикæйы сæргълæууæг Битарты Вячеславы хъæппæрисæй. Скъоладзауты сæрмагонд программæмæ гæсгæ ахуыр кæнынц педагогикæ æмæ психологи. Уымæй уæлдай ма, алкæмæн дæр фадат ис йæхи ацы дæсныйады бафæлварынæн. Проект аразджыты хъуыдымæ гæсгæ, скъоладзау афтæ хуыздæр сбæлвырд кæндзæн йæхицæн, фæнды йæ ахуыргæнæг суæвын æви нæ. Бафтаудзыстæм ма уый, æмæ ныридæгæн проекты архайынц 372 скъоладзауы 24 скъолайæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv