საჸოროფო ცირა სქვამი მეგრული

საჸოროფო ისაკი ქარდავა ტანი ოსარსალაია, კისერი ვარჩხილიში ფერი, თოლი ორგიალაია, ჩხეშა ფართო, ჭიფე წელი. წარბეფი გინოზინდილი გაფუ, მაგნიტიში გიღუ ტანი, დინოჯინა მოკო ირო საჸოროფო ცირა სქვამი. გოსაშინე ბრელი მიღუ, მუნაფილი დღას ვარდია, შორშე გურც მიტიბუა, ბარჩხალია, კვარკვანტია. _ _ _ _ _ _ _ ცირა ბძირი მეურდუნი ალიო მირცხულავა გინმათანგალი გიორგი ბერია ცირა ბძირი მეურდუნი ვანდურუდუ ჭარას, თიშ სისქვამეს მახანგებელც ირკოჩ არზენდ შარას. ტანი უღუდ ირემიში, ძიცა ჰამო მაფუდ, ხუჯის თუმა გინოძჷდ, მიჩქჷდ ცაშორტყაფუ. ცირა, პოეტი გოხოლჷქ, სქანწკჷმა მოკო ბინა, ქომწი, მი რე ბედინერი სქანი ინოჯინათ? გურიშ კჷლათ გჷნმართი დო დიბჭყა ხიოლც, ბირას, ჩქიმი დუდიქ ქუგგალუუ, სი, კახური ცირა! PS: Galur Margal დიბჭყა ხიოლც, ბირას, ჩქიმი დუდიქ ქუგგალუუ, სი, მარგალი ცირა! _ _ _ _ _ _ _ გურშა ქომიხუტოლეთ გური ოტობაია ტანი თქვანით მახუაფუ, თქვანით ვორექ ჩალაია, გურშა ქომიხუტოლეთუ, ჯალეფჷ ოქვაჩალაია. გურშა ქომიხუტელეთუ ეკობეჭილჷ ოროთი, ნიტე ვამხუმუანდას თქვან სინთესუ ღორონთი. ბრელშა მიძირჷ ჸოროფილჷ, წყარც თქვანცალო ელებირდჷ, კუჩხეფჷ ვიშო ენუძუდ დო ორკოლცჷ ბონუნდჷ ხელეფით. ჸოხ, წყარჷ მუჭო ხვარჩალანდჷ, ქუეფს მუჭო ვარკალანდჷ, ჩქიმ ჸოროფა შურდგუმილს მის აღინე ართჷ ღალათ! ტანი თქვანით მახუაფუ, თქვანით ვორექ ჩალაია, გურშა ქომიხუტოლეთუ ჯალეფჷ ოქვაჩალაია. Music: Galur Margal საჸოროფო ცირა სქვამი მეგრული https://youtu.be/NXmm_WVWgeE