Сбæрæг сты æппæтуæрæсеон конкурс «Живая классика» йы уæлахиздзаутæ

Сбæрæг сты æппæтуæрæсеон конкурс «Живая классика»-йы уæлахиздзаутæ. Финалист фыццаг хатт сси Цæгат Ирыстоны минæвар. Дигорайаг скъоладзау Суменаты Елизаветæ йæм рагæй цæттæ кодта йæхи, æмæ йын бантыст йæ курдиат раргом кæнын. Бакасти дзы Латвийы зындгонд поэты монолог «Я говорю вам - пойте!» ... Ацы уацмыс равзæрста йæхæдæг. Елизаветæ Цæгат Ирыстонæй у иунæг минæвар, конкурсы финалмæ рацæуын кæмæн бантыст, ахæм. Уæвгæ, Цæгат Ирыстонæй конкурсы архайдтой æртæйæ. Финалмæ æгас Уæрæсейæ равзæрстой 10 адæймаджы. Цæгат Ирыстоны ахуырад æмæ наукæйы министрад ма схорзæх кодта «Горячее сердце 2020» проекты уæлахиздзауты. Уым архайдтой, æрыгон фæсивæдӕй æххуысы къух тæссаг æмæ зын рæстæджы чи æрбадардта, ахӕмтӕ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv