Дзæуджыхъæуы ацыд минæвæртты æмбырд

Дзæуджыхъæуы ацыд минæвæртты æмбырд. Сæрдариуæг дзы кодта муниципалон сконды сæргълæууæг Икъаты Русланбег. Архайдтой дзы Дзæуджыхъæуы администрацийы сæргълæууæг Фæрниаты Тамерлан æмæ парламенты сæрдары хæдивæг Билаонты Батраз. Æрдзырдтой цалдæр ахсджиаг фарстайыл. Сæрмагондæй «Дзæуджыхъæуæн фæллойадон Намысы кадджын ном раттынæн» курдиат бадæттын, уыимæ горæты администрацийы куыстмæ ивддзинæдтæ бахæссын. Горæттæн кадджын ном дæттыны закъон сфидар кодтой ацы азы райдиан. Дæттынц æй Фыдыбæстæйы Стыр хæсты уæлахизмæ ахадгæ æвæрæн цы горæттæ бахастой, уыдонæн. Дзæуджыхъæуы цæрджытæ та уыцы хъæбатырдзинадæй цух никуы уыдысты. 1941-1945-æм азты «Æвæллайгæ æмæ удуæлдай фæллойы» кадджын майдантæй Цæгат Ирыстоны схорзæх кодтой алы æвдæм цæрæджы. Æмбырды ма зæрдылдарæн мйдантæй фæнысан кодтой барадхъахъхъæнджыты бæрнон куыст. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv