«Ирон адæмы национ культурон райрæзт» ы паддзахадон программæйы хатдзæгтæ

«Ирон адæмы национ-культурон райрæзт»-ы паддзахадон программæйы куыстӕн хатдзæгтæ скодтой. Нысангонд уыд 3 азы æмгъуыдмæ. Нациты 'хсæн ахастдзинæдты фарстаты фæдыл министр Цуциты Аслан куыд радзырдта, афтæмæй егъау куыст бакодтой. Арæзт æрцыд алыхуызон мадзӕлттæ - сбирæ кодтой куыд культурон объекттæ, афтæ телеуынынад æмæ радиойы фонд, аудио æмæ видеоæрмæджытæ оцифровкæ скодтой. Уыимæ ма фæсивæдæн баххуыс кодтой грантты хуызы. Национ æмæ культурон хæзнатæ бахъахъхъæнынæн снысан кодтой сæрмагонд программæтæ. Хицӕн сæрмагонд программæйы фæлгæты арæзт æрцыд национ телеуынынад. Ирон æвзаг бахъахъхъæнынæн æмæ йæ райрæзтыл бакусыны тыххæй фæзынд полилингвалон ахуырад дæр. Байгом Алайнаг гимназ. Снысан кодтой ирон æвзаг базонынӕн лæвар курсытæ. Райдыдтой ӕмӕ дарддæр тæлмацгонд цæуынц ирон ӕвзагмӕ мультипликацион нывтæ. Министры ныхæстæм гæсгæ, ныртæккæ архайынц паддзахадон программæйы проектыл, цæмæй дарддæр дæр куса. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv