Йе 'нæниздзинад хъыгдард кæмæн у, уыцы адæмæн хъæугæ æххуыс

2021-æм азы райдианæй куыстдæттыны службæйы оргæнтæм сæ курдиат балæвæрдтой, се 'нæниздзинад хъыгдæрд кæмæн у, ахæм 121 адæймаджы. Ныридæгæн уыдонæй фондзæн ссардтой куыст. Уый тыххæй фехъусын кодтой нæ республикæйы сæргълæууæджы цур инвалидты хъуыддæгты фæдыл Советы радон æмбырды. Амыдта йæ Азымты Иринæ. Вице-премьер куыд фæнысан кодта, афтæмæй уыцы категорийы цæрджытæн куыст ссарын хъуамæ уа куыстдæттыны центры ахсджиагдæр хæстæй иу. Куыстдæттыны комитеты сæрдары хæдивæг Уалыты Аланæ та куыд радзырдта, афтæмæй афæдзы райдианæй дзуапдæттæг ведомствомæ æрбацыди инвалидты реабилитацийы 986 индивидуалон программæйы. Куыстагуырды пълантæ сарæзтой уыдонмæ гæсгæ. Уæдæ цæрджытæн æппынæдзух хъусын кæнынц, цы лæггæдтæ сæ бон бакæнын у, уыдоны тыххæй. Зæгъæм, йе 'нæниздзинад хъыгдæрд цы адæймагæн у, уымæн центры æххууыс кæнынц профессионалон ахуырад райсын, уый фæстæ та куыст ссарын. 2021-æм азы фæнд кæнынц самал кæнын сæрмагонд программæтимæ хъæугæ техникæ. Цæрджыты æнцойадæн кусы портал «Работа в России» дæр. Уым цыфæнды афон дæр ис æмбæлгæ информаци базонæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv