Цæгат Ирыстонмæ информацион туры фæлгæты ссыдысты Уæрæсейы егъау туроператор «TUI» йы специалисттæ

Цæгат Ирыстоны рæсугъддæр бынæттæ хи цæстæй фенын, регион туристтæн цымыдисаг у æви нæ, уый сбæрæг кæнын. Республикæмæ информацион туры фæлгæты ссыдысты «TUI», зæгъгæ, компанийы специалисттæ. Нæ бæстæйы егъаудæр туроператортæй иу у. Цæгат Ирыстонимæ фыццаджыдæр базонгæ сты презентацийы хуызы. Туризмы комитет уазджыты размæ рахастой нæ республикæйæн ацы къабазы ахсджиаг хъомыс. Хæхты æрвылаз ис улæфын, уыимæ ма зымæгон спорты хуызты хи фæлварын. Афæдзæй-афæдзмæ фысымуæтты уавæртæ æмæ лæггæдтæ рæзынц. Кодзаты Зауырбег куыд бафиппайдта, афтæмæй æрмæст хæхтыл æрлæууын нæ хъæуы. Раздæр нæ республикæйы сæйраг горæт туристтæн цымыдисаг нæ уыд. Фæлæ фæстаг æзты хъуыддаг хуыздæры 'рдæм фæивта. Историон нысаниуæгимæ бæстыхæйттæ рестоврацигонд æрцыдысты. Дзæуджыхъæумæ туристтæ цæуын райдыдтой нæ бæстæйы алы къуымтæй дæр. Компани «TUI» архайы Уæрæсейы егъау горæтты. Се 'хсæн нæ горæт дæр. Специалисттæ Цæгат Ирыстоны уыдзысты цыппар боны. Бацæттæ сын кодтой цымыдисаг программæ Йæ фæлгæты бабæрæг кæндзысты Дзæуджыхъæу æмæ хæхты хи ирхæфсæн бынæттæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv