Республикæйы 32 скъолайы сифтонг кæндзысты нымæцон кусæнгæрзтæй. Ахуырадон организациты фæзындзæн ноутбуктæ, интерактивон фæйнæджытæ, камерæтæ. Скъолатæ техникæ райсдзысты «Цифровая образовательная среда»,зæгъгæ, федералон проект нацпроект "Ахуырад"-мæ гæсгæ. Уæрæсейы рухстауыны министрад æмæ республикæ бафыстой бардзырд. Ахуырад æмæ наукæйы министр Алыбегты Эллæйы ныхæстæм гæсгæ, матералон-техникон гæнæнтæ, кусæнгæрзтæ ногтæй баивын кæм хъæуы, уыцы ахуыргæнæндæттæ чысыл не сты. Регион æппæт мадзæлттæ дæр аразы федералон программæты архайынæн.