Республикæ йы цалцæг кæнынц 6 медицинон куыстуаты федералон программæйы фæлгæты
Ног фелсырон-акушерон пункт фæзындзæн Рамоновойы хъæуы. Црау æмæ Джызæлы амбулаториты та цæуынц цалцæггæнæн куыстытæ. Республикæйы районты медицинон куыстуæттæ дарддæр ног кæнынц. Арæзтад кухъы æфты федералон программæйы руаджы. Джызæлы амбулаторийы ныридæгæн цæуынц цалцæггæнæн куыстытæ. Æххæст сæ кæнынц «Æнæниздзинад хъахъхъæнынады фыццаг къæпхæны объектты модернизаци»-йы программæмæ гæсгæ. Ныридæгæн баивтой бæстыхайы сæр, сног кодтой пъолтæ. Цалцæг кæнынц 6 амбулаторийы æмæ фелсырон-акушерон пункты. Æппæт куыстытæн радих кодтой 370 милуан сомæй фылдæр. Црауы амбулаторийы дæр цалцæггæнæн куыстытæ райдыдтой ацы азы апрелы. Фæстаг хатт бæстыхай цалцæг кодтой 40 азы размæ. Ныр дзы куыстытæ сты сæ тæмæны. Амбулаторийы бæстыхайы сæр ивд æрцыд, уæдæ дзы сæвæрдтой ног рудзгуытæ дæр. Фæлæ зæгъын хъæуы уый, æмæ ам ис иу аиуварсгæнинаг фарста - доны уавæр. Бирæ азты дæргъы амбулатори уыцы хъуыддаджы æййафы къуылымпыдзинæдтæ. Бæстыхайы раздæры уавæр уыд зæрдæхсаинаг. Медицинон кусæнгæрзтæ дæр иу арæх асастысты. Ныр дохтыртæ, стæй хъæуы цæрджытæ дæр тынг цин кæнынц. Тагъд рæстæджы уавæр аивдзæн Рамоновæйы поселоччы дæр. Ам фæзындзæн ног фелсырон-акушерон пункт. Ныридæгæн амад æрцыдысты йæ къултæ. Ресспубликæйы æнæниздзинад хъахъхъæныны къабазы фæстаг 5 азмæ фæзынд цалдæр ног объекты. Цалцæггæнæн куыстытæ цæуынц 4 амулаторийы, стæй дыууæ поликлиникæйы хицæн хайæдты. Æппæт объекттæ дæр сцæттæ уыдзысты фæззæгмæ. Гугкаты Иринæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv