Сочийы байгом нырыккон журналистикæйы форум

Экперттимæ фембæлдтытæ. Дæсныйадæвдисæн ахуыртæ фæлтæрдджын специалисттимæ. Сочийы райдыдта нырыккон журналистикæйы 25-æм форум «Вся Россия-2021». Мадзалы архайынц нæ бæстæйы алы регионты делегацитæ. Уазджыты 'хсæн зынгонд журналисттæ, политиктæ, æхсæнадон архайджытæ. Форумы тыххæй бæлвырддæр нæ дарддæры æрмæджы. Сочийы байгом нырыккон журналистикæйы 25-æм форум. Архайынц дзы Уæрæсейы æппæт регионтæ æмæ фæсарæнтæй минæвæрттæ. Цæгат Ирыстонæй форуммæ ацыд стыр делегаци. Фыццаг бон журналисттимæ фембæлд фæсарæйнаг хъуыддæгты фæдыл министр Сергей Лавров. Сергей Лавров бакаст Президент Владимир Путины ныстуан форумы архайджытæ æмæ уазджытæм. Æрныхас кодтой геополитикæ, Уæрæсейы дзыллон фæрæзты рæзт, информацион æдасдзинад æмæ мæнг хъусынгæнинæгтимæ тохы фарстатыл. Æппæты фылдæр фæрстытæ министрæн радтой цæгатирыстойнаг журналисттæ. Суанг ма, Сергей Лавровы нæ республикæ уазæгуаты дæр хуыдтой. Форумы фыццаг бонæй равдыстыты залы цæттæ кæнынц стендтæ. Презентацимæ сæхи цæттæ кæнынц Цæгат Ирыстоны делегацийы уæнгтæ дæр. Регионы журналисттæ форумы фæдыл сæ хъуыдытæ загътой Уæрæсейы журналистты цæдисы сæрдар Владимир Соловьевæн. Куыд разынд, афтæмæй йæ республикæимæ канд журналистикæ нæ бæтты, фæлæ ма музыкæ дæр. Ацы аз Цæгат Ирыстоны делегаци сфæнд кодта форумы архаджыты хæстæгдæр базонгæ кæнын регионимæ, йæ туристон гæнæнтæ æмæ республикæйы дзыллон фæрæзты медиапроекттимæ. Юбилейон форумы программæ у бирæвæрсыг. Архайджытæн сараздзысты эксперттимæ фембæлдтæ, дæсныйадӕвдисæн ахуыртæ. Аныхас кæндзысты номдзыд журналисттимæ. Фембæлдысты форумы архайджытæ фæсарæйнаг хъуыддæгты фæдыл министрады официалон минæвар Мария Захароваимæ. Ныхас цыд нæ бæстæйы ахсджиагдæр фарстатыл. Æхсæнад дзыллон фæрæзтæм цы цæстæй кæсы, уый тыххӕй, стæй интернет æмæ блогерты рæзтыл. Нырыккон журналистикæйы форум «Вся Россия-2021» цæудзæн 16 сентябрмæ. Цалдæр боны размæ, дзыллон фæрæзты фестивалы фæлгæты Зымæгон театры сценæйыл схорзæхджын кодтой фыццаг националон преми «ТЭФИ-Мультимедиа»-йы лауреатты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv