Цæгат Ирыстоны цæуынц Республикæ Комийы бонтæ

Комийы республикæйæн бындур æвæрд куы æрцыд, ууыл 2021-æм азы сæххæст уыдзæн 100 азы. Уый фæдыл Уæрæсейы регионты аразынц сфæлдыстадон тур. Мадзалы фæлгæты Комийы республикæйы музыкантты равдыст ацыд Дзæуджыхъæуы. Цæгат Ирыстоны аивадуарзджыты рæгъмæ рахастой национ аив кæфтытæ æмæ зарджытæ. Уыимæ ма республикæйы минæвæрттимæ национ наукон чиныгдоны ацыд пресс-конференци. Архайдтой дзы Цæгат Ирыстоны культурæйы министр Къубалты Эльбрус, Республикæ Комийы культурæйы министр Сергей Емельянов æмæ æндæртæ. Æрбацæуджытæн радзырдтой Республикæ Комийы рæсугъддæр бынæтты æмæ æрдзон хъæздыгдзинæдты тыххæй. Цæгат Ирыстон у æвдæм регион, Республикæ Комийы бонтæ кæм цæуынц, ахæм. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv