280 мин бæласы талайæ фылдæр ныссадздзысты Цæгат Ирыстоны «Сохраним Лес»

280 мин бæласы талайæ фылдæр ныссадздзысты Цæгат Ирыстоны «Сохраним Лес», зæгъгæ, æппæтуæрæсеон акцийы фæлгæты. Уый тыххæй фехъусын кодтой нæ республикæйы æрдзон æвæрæнтæ æмæ экологийы министрадæй. 72 гектарæй фылдæр фæзуатыл ныссадздзысты сырх тулдз, тæгæр æмæ кæрз бæлæстæ. Акцийы архайдзысты хицауады уæнгтæ, амалхъомад æмæ æхсæнадон организациты минæвæрттæ, стæй бархионтæ мин адæймагæй фылдæр. Сырх тулдзы 70 талайы ныссадздзысты Кировы хъæды хæдзарады. Æппæтуæрæсеон акци аразы Уæрæсейы профилон министрад, Æрдзхъахъхъæныны æхсæнад, национ проект «Экологи»-йы фæлгæты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv