Дигорайы намысы аллейы байгом кодтой Цæголты Георгийы номыл бюст

Зындгонд экономист æмæ публицист Цæголты Георгийæн Дигорайы байгом кодтой бюст. Ныр не 'хсæн нал ис дыууæ азы, фæлæ цы стыр фæд ныууагъта зонады, уый цæрдзæн æнусты.  Ацы мадзалмæ Дигорайы цæрджытæ æмæ Цæголтæ æнæхъæн маггагæй тынг æнхъæлмæ кастысты. Зындгонд публицист æмæ экономист, Мæскуыйы æппæтадæмон университеты профессор, Уæрæсейы дунезонынады наукæты æмæ Æдасдзинады европæйаг академиты уæнг. Цæголты Георгий йæ архайдæй стыр фæд ныууагъта зонады. Кадджын мадзалы архайдтой æхсæнады минæвæрттæ, Цæголты Георгийы хæстæджытæ. Цæголты Георгийы фыд Николай дæр уыд ахуыргонд - зындгонд экономист. Уæдæ йæ фыды 'фсымæр дæр адæмæн æнæзонгæ нæу. Революционер уæвгæйæ, архайдта, цæмæй Цæгат Кавказы республикæтæ хаст æрцæуой Советон Цæдисмæ. Афтæмæй, Цæголты Георгий йæ фыд æмæ фыды 'фсымæры аууон нæ баззад. Рауадис дзы номдзыд ирон лæг. Зындгонд ма у раст фæсарæнты дæр. Куыста Америкæйы, Франци æмæ Чехийы. Бирæ чингуытæ, ахуырадон æрмæджытæ æмæ монографиты автор. Уыдонимæ ма сæдæгай наукон уацтæ ныффыста экономикы æмæ политикæйы къабазы ахсджиаг фатрстатыл. Цæголты Георгий не 'хсæн нал ис ныр дыууæ азы. Æмæ кæд йæ цырды фылдæр хай Мæскуыйы арвыста, уæддæр йæ зæрдæ кæддæриддæр уыд ам, йæ адæмимæ, йы чысыл Ирыстоны. Гугкаты Иринæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv