78 азы размæ йæ хъайтардзинад равдыста Советон Цæдисы хъæбатыр Петр Барбашов

78 азы размæ йæ хъайтардзинад равдыста Советон Цæдисы хъæбатыр Петр Барбашов. Фыдыбæстæйы Стыр Хæст куы райдыдта, уæд уый службæ кодта Иркутскы арæнхъахъхъæнæн ӕфсӕддон хайы. Йæхæдæг ныффыста курдиат, цæмæй йæ хæсты быдырмæ арвитой. Афтæмæй бафтыл Тулæмæ. Фæззæджы 1942-æм азы кæстæр сержант Барбашов цы 'фсады уыд, уыцы къорд акодтой Орджоникидземæ. Фашисттимæ тугкалæн тохы бацыдысты. 9-æм ноябры 1942-æм азы Джызæлы дæр немыцæгтимæ тох цыди. 34-æм полк сфæнд кодта ныббырст саразын. Фæлæ Советон æфсæддонты размæ нæ уагътой знаджы дзоттæ. Йæ хæс æххæсткæнгæйæ, Петр Барбашов йæхицæй сæхгæдта уыцы уæззау хæцæнгæрзтæй иу. Уый руаджы знагæн ныхкъуырд радтой, 30 километры йæ фæстæмæ фӕсырдтой. Советон Цæдисы Сӕйраг Советы Президиумы уынаффæмæ гæсгæ, Петр Барбашовæн саккаг кодтой Хъæбатыры ном. 1942-æм азы та йын радтой Ленины номыл орден. Петр Барбашов ныгæд ӕрцыд æфсымæрон ингæны Джызæлы рдыгæй. Йæ кадæн Дзызӕлмӕ фӕндагыл скодтой егъау цыртдзæвæн. Йæ алыварс та хъæбатыры номыл мемориалон комплекс. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv