2022 азы кæронмæ Кондратенкойы поселок, Дружба, Кусово æмæ Хурыхъæуы газ кæронмæ баууаддзысты

2022 азы кæронмæ Кондратенкойы поселок, Дружба, Кусово æмæ Хурыхъæуы газ кæронмæ баууаддзысты. Уый тыххæй журналисттæн фехъусын дзуапдæттæг министрады артаг æмæ энергетикæйы комплексы фарстаты фæдыл уынаффæгæнæг Баситы Чермен. Куыстытæ кæнынц Газпром æмæ республикæйы бюджетты фæрæзты руаджы. Æдæппæттæй хъæутæм газ бауадзыны тыххæй схардз кæндзысты 44 милуан сомы. Ныридæгæн газы хæтæл уадзынц Кусовойы онг. Æдæппæттæй 2028 азмæ республикæйы газификаци хъуамæ фæхуыздæр уа 96% онг. Ивгъуыд азы кæрон ма куыд базыдтат, афтæмæй Цæгат Ирыстоны хицауад сфидар кодта газуадзæн куыстыты сæрмагонд пълан. Хъуамæ йæ сæххæст кæной 7 азмæ. Æмткæй райсгæйæ, уый у адæмы уавæртæ фæрогдæр кæныны хъæппæрис. Газы хæтæлты иумæйаг дæргъ Цæгат Ирыстоны хъуамæ фæфылдæр уа 95 километры. Уæ зæрдыл ма уын æрлæууын кæндзыстæм, хæрз æрæджы Уæрæсейы Президент ныхас кодта «Газпром»-ы разамонæг Алексей Миллеримæ. Уыцы рæстæг ма дзырдтой Цæгат Ирыстоны газы хæдзарад фæпарахатдæр кæныныл. Миллер куыд загъта, афтæмæй «Газпром»-æн уыцы куыстытыл сæ бон бахардз кæнын у 1 миллиард æмæ 200 милуан сомы. Афтæмæй «цъæх артаджы» `взæгтæ тагъд хъуамæ сæхиуыл схæцой туристон-рекреацион комплекс «Мамысон-ы дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv