Сергей Меняйло фембæлд Космонавтикæйы скъола æмæ Дзæуджыхъæуы планетарийы бындурæвæрæг Къомайты Русл

Сергей Меняйло фембæлд зындгонд ахуыргонд, космосон конструктор, Уæрæсейы хуссар хайы хуыздæрыл нымад ахуырадон уагдон - Дзæуджыхъæуы планетарий æмæ Космонавтикæйы скъолайы бындурæвæрæг Къомайты Русланимæ. Ныхас кодтой объекты фидæны райрæзтыл. Республикæйы разамонæг бузныг загъта Къомайты Русланæн, стыр æвæрæн кæй хæссы Цæгат Ирыстоны ахуырадмæ, уый тыххæй. Сергей Меняйло ма иттæг хорзыл банымадта Дзæуджыхъæуы космонавтикæйы скъолайы архайд. Къомайты Руслан радзырдта, цы стыр куыст кæнынц скъолайы педагогтæ. Æмæ кæд ахуыргæнæндон йæ архайд пандемийæйы рæстæг райдыдта, уæддæр æй кусджыты руаджы бабæрæг кодтой 6 мин скъоладзауы. Æрбацæуджытæн скæнынц тематикон экскурситæ, сывæллæттæн макетты руаджы бацамонынц, Хуры системæ куыд арæзт у, уый. Равдисынц сын кинонывтæ дæр. Ис ма дзы ахуырадон курсытæ астрономи æмæ космонавтикæйæ алы кары сывæллæттæн. Космонавтикæйы скъолайы архайд цымыдисаг у канд фæсивæдæн нæ, фæлæ ма республикæйы цæрджытæн æмæ туристтæн дæр. Сергей Меняйло Къомайты Русланæн бабар кодта хæстæгдæр рæстæг космонавтикæйы скъолайы райрæзты программæ бацæттæ кæнын. Æмæ дзы паддзахады æххуыс кæм хъæуа, уым республикæйы разамынд сæ фарсмæ балæудзæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv