Коммуналон службæтæ Дзæуджыхъæуы уынгтæ дарддæр сыгъдæг кæнынц

Мит æнæ æрлæугæйæ кæй уары, уымæ гæсгæ коммуналон службæтæн Дзæуджыхъæуы уынгтæ ныссыгъдæг кæнын не 'нтысы. Уый тыххæй хъусын кæны «Спецэкосервисы» директор Кодзырты Рустам. Йæ ныхæстæм гæсгæ куыстытæ райдыдтой æхсæвы. Æдæппæтæй «Спецэкосервис»-æй архайы сæрмагонд техникæйы 15 иуæджы. Техникæйæн балæууæн кæдæм нæй, уым уынгтæ мæрзынц 300 адæймаджы. Бирæ миты аххосæй иуæй-иу уынгты хæдтулгæтыл цæуын у зын. «Спецэкосервис»-ы специалисттæ зæрдæ æвæрынц уынгтæ сыгъдæг кæнынмæ ногæй кæй рахиздзысты, уымæй. Боныхъæды аххосæй линимæ нæ рацыдысты Дзæуджыхъæуы трамвайтæ дæр. Уавæры тыххæй нын фехъусын кодтой Дзæуджыхъæуы администрацийы транспорты æмæ фæндæгты арæзтады хайады хицау Фидараты Роберт. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv