Сывæллæттæн фиддонтæ райсынæн курдиæттæ бадæттæн ма ис 30-æм сентябры кæронмæ

Сывæллæттæн цы фиддонтæ æмбæлы, уыдон райсынæн курдиæттæ бадæттæн ма ис ацы абоны кæронмæ. Уый тыххæй хъусын кæнынц Пенсион фондæй. Ныхас цæуы, сывæллонæн йæ райгуырдæй 3 азы онгмæ æмæ 3 азæй 16 азы онгмæ цы фиддонтæ сфидар кодтой, уыдоныл. Афтæмæй, 5 мины бæрц фиддон кæмæн æмбæлы, уыдон æй райстой 25 минæй фылдæр. Иумæйагæй æхцайæ у - 37 милуан сомæй фылдæр. 10 мины чи у, уыцы фиддонты тыххæй куы дзурæм, уæд йæ райсынæн курдиæттæ балæвæрдтой 86 мин адæймаджы. Æдыппæтæй Пенсион фонд сын бафыста 1 милуан æмæ 299 мин сомы. Нæма сæ райстой 754 сывæллоны. Уæлæмхасæн фиддонты тыххæй та балæвæрдтой 95 мин курдиаты. Пенсион Фонды разамонæг Таболты Сергей куыд фæнысан кодта, афтæмæй æдæппæтæй Уæрæсейы президенты амындмæ гæсгæ биноны фиддонтыл хардзгонд æрцыд 3 млрд сомæй фылдæр. Чи нæма балæвæрдта курдиат, уымæн ма фадат ис Паддзахадон лæггæдты порталмæ бацæуын æмæ ацы боны кæронмæ хъуыддаг сæххæст кæнын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv