Тускъаты Таймураз фембæлд Рахизфарсы районы администрацийы сæргълæууæг Беркъаты Константинимæ

Рахизфарсы районы ивгъуыд азы социалон æмæ экономикон райрæзтыл æмæ 2021 азы пълæнттыл æрныхас кодтой Тускъаты Таймураз æмæ районы администрацийы сæргълæууæг Беркъаты Константин. Районы стыр æргом 'здахынц хъæууон хæдзарады къабазмæ. Фылдæр кæнынц дыргъдæттæ, аразынц хордæттæ. Кусынц кæсагдарынæн хъæугæ уавæртыл дæр. Цалцæг кæнын райдыдтой Беслæны хойрæгты комбинаты консервты завод. Уый руаджы районы фæзындзæн ног кусæн бынæттæ. Ныхас ма цыд федералон программæтæ æмæ нацпроекттыл дæр. Беслæны аразынц 550 бынатæн скъола, Цæлыччы та 220 бынатæн. Раздзоджы йæ тæмæны сты фелсырон-акушерон пункты арæзтадон куыстытæ. Ног кæнынц Беслæны хауæццæгтæ æмбырд кæнæн ситемæ. Куыстытæ кæронмæ фæхæццæ кæнынц. Районы фæндæгтæм дæр зилынц. Уымæй уæлдай ма фембæлды æрныхас кодтой кæлæддзаг хæдзæрттæй ногтæм раивыны фарстайыл. Æрыгон бинонтæ æмæ йе 'нæниздзинад хъыгдæрд кæмæн у, уыдоны фатертæ сифтонг кæнын у ахсджиаг фасрта. Премьер бахæс кодта, уæлдай æргом аздахын æнæниздзинад хъахъхъæныны объекттæм. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv