Æппæтуæрæсеон адæмон фронты регионалон штабы уæнгтæ сбæрæг кодтой Горæтгæрон районы фелсырон

Горæтгæрон районы фелсырон-акушерон пунктты арæзтад федтой Æппæтуæрæсеон адæмон фронты уæнгтæ. Сарæзтой мониторинг. Абалц кодтой Хъæрмæдон, Хохы æмæ Уæллаг Санибамæ. Цы уавæры ис медицинон уагдæтты арæзтад, уый мониторингы архайджытимæ федта не сфæлдыстадон къорд. Радзурдзæн Пелиты Сабинæ. Ног фелсырон-акушерон пункт Уæллаг Санибайы цæттæ у йæ дуæрттæ байгом кæнынмæ. Æппæт куыстытæ сæххæст кодтой нысангонд æмгъуыдмæ. Ныридæгæн дзæбæхгæнæндон ифтонг кæнынц æмбæлгæ медицинон кусæнгæрзтæй. Æххæстæй бакуыстой зынгсирвæзты ныхмæ сигнализацийы системæйыл дæр. Æппæтуæрæсеон адæмон фронты уæнгтæ дарддæр абалц кодтой Хохы Санибамæ. Ныридæгæн ам фелсырон-акушерон пункты арæзтадон куыстытæ сты сæ тæмæны. Кæд кусджытæ æнæрлæугæйæ кусынц, уæддæр пъланмæ гæсгæ ӕрæджы кæнынц. Ныртæккæ рахиздзысты бæстыхайы мидæггаг куыстытæ æххæст кæнынмæ. Ахæм уавæры ис Хъæрмæдоны цы ног фæлсырон-акушерон пункт аразынц, уый дæр. Ам дӕр куыстытæ сты сæ тæмæны. Мониторингы архайджыты ныхæстæм гæсгæ, æппæт бӕрӕггонд хъæндзинæдтæ арвитдзысты дзуаппдæттæг ведомствæтæм. Проектмæ гæсгæ Горæтгæрон районы ног фелсырон-акушерон пункттæ тагъд рæстæгджы хъæуты цæрджытæн райдайдзысты хъæугæ æмæ афойнадыл медицинон æххуыс кӕнын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv