Рауагьдад «Ир» ирон ӕмӕ уырыссаг ӕвзагыл фыст чингуытӕ мыхуыр кӕны абоны онг

10 июлы хъæугæ социалон литературæ æмбырд кæнын райдыдтой 2021 азмæ. Уый тыххæй хъусын кæнынц Цæгат Ирыстоны мыхуыры æмæ дзыллон коммуникациты комитетæй. Коронавирусы низ кæй апарахат, уый тыххæй литературæ æмбырд кæнынц 10 июлæй 30 августы онг. Фысджытæн сæ бон у сæ æрмæджытæ рагагъоммæ æрбарвитын рауагъдад «Ир»-мæ. Мингай чингуытæ, сæдæгай автортæ – иу дзырдæй рауагъдады куыст цымыдисаг у. Фарон сбæрæг кодта йæ 95 азы юбилей. Цы куырыхон адæм дзы архайы, уыдон сæ куыстæй сты разы. Тъехты Тамерлан ацы куыстуаты сӕргъы лӕууы дыккаг аз. Уыцы рæстæгмæ йæ къухы бирæ бафтыд. Фæлæ фыссæгæн йæ фæндаг æнцон нæу. Æдæппæтæй афæдзмæ – 50 чиныджы. Бакусы сыл бӕрцӕй гыццыл, фæлæ чиныгыл иузæрдион коллектив. Сты 25 адæймаджы. Сæ куыст райдайынц райсомы 9 сахатæй. Коронавирусы низ кæй апарахат, уый тыххæй фылдæр кусынц хæдзæртты. «Чиныгæн алы бон дæр лæггад кæнын хъæуы», -зæгъынц кусджытæ. Ныридæгæн рауагътой къорд чиныджы. Рауагъдад сæхи хъаруйæ кусы. Йæ директор Таутиаты Хъазыбег æппынæдзух архайы чингуыты нымæц фæфылдæр кæныныл. Сæйрагдæр у чиныгкæсæджы ссарын, - зæгъы Хъазыбег. Уый тыххæй социалон хызæгты сæрмагонд хъусынгæнинæгтæ дæр апарахат кæнынц. Фæзынд сын сæхи сайт дæр. Чиныгкæсæгæн йæ фæрцы у ссарын алыхуызон литературæ. Суанг сывæллæтæн дæр. Таутиаты Хъазыбег, рауагъдад «Ир»-ы директор: «Архайæм нæхи сæрмагонд сайтыл дæр. Ныртæккæ дзы ис æрмæстдæр аннотаци. Фæлæ фидæны электронон хуызы дæр чингуытæ уыдзæн кæсæн. Уымæй уæлдай ма алы социалон хызæгты мыхуыр кæнæм нæ чингуытæ. Уым дæр сæ ис бакæсæн». Бакуыстой ма ног журналыл «Книжный формат», зæгъгæ. Ацы аз коронавирусы аххосæй рацыд фыццаг хатт. Фидæны фæнд кæнынц, цæмæй афæдз цæуа 4 хатты. Таутиаты Хъазыбег, рауагъдад «Ир»-ы директор: «Фæнды нӕ афæдз цыппар хатты уадзын нæ журнал. Мæ зæрдæ дарын, адæмы зæрдæтæм фæндаг кæй ссардзæн.  Фыццаджыдæр, сфæлдыстадон, чиныгыл æнувыд чи у, уыцы адæмы зæрдæтæм». Мыхуыры æмæ дзыллон коммуникациты комитеты нын куыд бафиппайдтой, афтæмæй рауагъдадæн ис стыр фидæн. «Ир» нæ республикæйы у иунæг паддзахадон рауагъдад, æнæхъæн Цæгат Кавказы та æппæтæй зæронддæр. Ам мадæлон, стæй уырыссаг æвзагыл мыхуыр кæнынц чингуытæ. Архайынц национ литературæ бахъахъхъæнын æмæ фылдæр кæныныл. Фæзынд сын, сæ чингуытæ кæм уæй кæной, ахæм бынат дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv